Tentakning tajribasi — yo'lni boshlagan kitob
Mirzakarim Norbekovning hayoti 16 yoshida tubdan o'zgargan. Toshkentga kelganida qattiq shamollab, kasalxonaga tushgan. Ikki rus shifokor ayol uning rus tilini bilmasligiga ishonib, uning yonida shunday gaplashgan: "Bu bolaning umri ko'pi bilan bir yil, ehtimol yarim yil."
Ammo o'sha yoshda Norbekov salkam butun kutubxonani o'qib bo'lgan edi. U rus tilini juda yaxshi tushunardi. O'shandan boshlandi uning hayotini o'zgartirgan izlanishlar.
Norbekov o'zining ustozi — Said Muhammad Hasan bilan ikki yil davomida mashg'ulotlar olib, o'z buyragini qayta tiklashga muvaffaq bo'lgan. Bu tajriba o'sha vaqtda tibbiyot dunyosi uchun mo'jiza edi.
Keyingi o'n yilliklar davomida Norbekov o'z metodikasini ilmiy izlanishlar bilan to'ldirib bordi. Onkologlar, kardiologlar, psixologlar va boshqa mutaxassislar bilan birgalikda ishladi. Natijada bugungi tezkor o'qitish uslubi shakllandi — bunda bir vaqtning o'zida 200 dan ortiq mavzuni ushlab turgan holda dars beriladi.
Mirzakarim Norbekovning bestseller kitobi "Tentakning tajribasi" dunyoning ko'p tillariga tarjima qilingan. Aynan shu kitob millionlab insonlarni markaz eshigi oldiga olib kelgan.
